Hawane sing adhem sarta swasana sing akeh udan, lemahe
subur, sakiwotengen dalan katon wit-witan, kekembangan sing maneka warna
ndadekake Dieng endah. Jenenge Dieng
pancen saka Adi tur Aeng. Endah tur nyala wadi sarta nengsemake. Dieng duweni
teges Gunung lan Hyang, pancen papane ana puncak, sepi lan wingit. Ora aneh yen
duwe jeneng Ardi sing tegese gunung lan Hyang sing tegese Dewa, maksude
panggonane dewa-dewa ana kahyangan. Mula dibangun candi-candi ana dhataran
Dieng sing amba ana ing dhaerah Wanasaba lan wis tuwa umure ing Indonesia.
Candi kasebut ditemokake dening HC Cornelis taun 1814 kanthi
kahanan sing rusak. Nalika taun 1856 J.Van Kinsbergen. Ahli purbakala saka
Landa bisa ndandani candhi. Miturut cathetan sejarah, Chandi Dieng dibangun
udakara abad VII lan abad XII, nalika kekuwasaane Kerajaan Kalingga saka
Dinasti Sanjaya. Sing narik kawigaten anane candhi-candhi, kabeh dijenengi
nganggo tokoh wayang sing kondhang ing kalanganing masyarakat Jawa kayata :
Candhi Gatutkaca, Candhi Bima, Candhi Arjuna, Candhi Sembadra, Candhi Srikandi
lan Candhi Semar. Kabeh tokoh wayang kang nduweni budi luhur kaya dene Arjuna
tokoh kang biso nylametake Kahyangan saka pengamuke raseksa Niwatakawaca. Semar
yaiku salah sijine punakawan titisani sang Hyang Ismaya sing banget sektine lan
gedhe prabane tumrap panguripane para
satriya pandhawa. Srikandi lan Sembadra di garwa dening Raden Arjuna, Sembadra
nduwe kaluwiahan ayuning rupa. Ana legenda sing unine mengkene, “Sapa bae sing
ana jeroning candhi Sembadra lan ketetesan bun sing ana tembok candhi, bakale
dadi wong sing ayu kaya ayune Sembadra.”
Kebon-kebon sayuran kaya dene kenthang sing nyebar lan
numpuk ana ing sakiwa tengene dalan, dijarke kena udan kareben resik seka lemah
sing nempel sawise resik nembe digawa menyang pasar.
Uga kekembangan kang gawe sengseming sesawangan ing Dieng.
Aenge Dieng yaiku anane kawah si Kidang. Dijengi si Kidang amarga kahanane
kawah vulkanik saka kepundhaning gunung si ketok, koyo kidang mlayu. Ana uga
tlaga warna, sing menehi pemandangan sing aeng, miturut dongeng ya ing tlaga
wana kono panggonane adus dewa-dewi saka kahyangan sarta rupane banyu sing
maneka warna, sakan anane sorot wit-witan lan kekembangan maneka warna sing ana
sakiwa tengene tlaga.
No comments:
Post a Comment